Serviset & shërbimet

Regjistrimi i serviseve

Për të regjistruar një shërbim të ri në sistem, ndiqen hapat e mëposhtëm:

1. Kliko butonin “Shto servis” në këndin e sipërm djathtas të modulit.
2. Hapet formulari për shtim, ku plotësohen fushat:
   • Emri - Vendoset emri i servisit
   • Numër telefoni/email - Të dhënat e kontaktit të subjektit që ofron shërbimin.
   • Adresa/qyteti - Vendndodhja e servisit.
   • Magazina - Përzgjidhet magazina me të cilën do e lidhni servisin.
3. Pas plotësimit, kliko “Ruaj” për të regjistruar servisin në sistem.

Pas ruajtjes, servisi i ri shfaqet automatikisht në listën kryesore të serviseve, ku ofrohet një pasqyrë e detajuar e të gjitha veprimeve të lidhura me të.

Opsionet e disponueshme për secilin servis

Në ndërfaqen e serviseve, për çdo servis janë të disponueshme tre butona funksionalë:

1. Balancat

Këtu mund të shihni në mënyrë të detajuar:

• Borxhin aktual ndaj servisit
• Shumën e paguar
• Xhiron totale të krijuar me atë servis
• Veprimet financiare si depozitime ose tërheqje

Ky seksion ju mundëson administrim të qartë dhe transparent të marrëdhënieve financiare me servisin përkatës.

2. Modifiko

Përmes këtij butoni mund të:

• Përditësoni çdo të dhënë të servisit
• Korrigjoni informacione
• Shtoni ose ndryshoni detaje kontaktuese ose administrative

Modifikimet ruhen në mënyrë automatike në sistem.

3. Fshij

Ky opsion përdoret kur:

• Nuk ekziston më bashkëpunim me servisin, ose
• Dëshironi ta hiqni nga lista aktive

❗ Kujdes : Fshirja mund të kërkojë verifikim nëse ekzistojnë të dhëna të lidhura me të, për të shmangur humbjen e paqëllimshme të historikut.

Shërbimet

Moduli i Shërbimeve përdoret për të regjistruar të gjitha ndërhyrjet e kryera mbi një aset. Përmes këtij moduli dokumentohen në mënyrë të detajuar shërbimet, materialet, sasitë dhe kostot që lidhen me procesin e mirëmbajtjes ose riparimit.

Fletë shërbimi

Regjistrimi i shërbimeve të reja kryhet përmes butonit “Shto fletëshërbim”. Formulari përbëhet nga disa fusha kryesore që duhet të plotësohen përpara regjistrimit dhe një tabelë ku shtohen shërbimet e kryera.

1. Përzgjedhja e Servisit dhe Asetit

Në pjesën e sipërme të formularit ndodhen fushat kryesore që duhen plotësuar:

Servisi

• Zgjidhni nga lista servisin me të cilin po kryhet ndërhyrja.
• Nëse servisi nuk ekziston, mund të shtohet përmes butonit “+” në të djathtë të fushës.

Shënimi

• Fushë opsionale ku mund të shtoni një përshkrim të përgjithshëm të shërbimit (p.sh. “Kontroll i përgjithshëm”, “Ndërrim pjesësh”, etj.).

Aseti

• Zgjidhni asetin për të cilin po kryhet shërbimi.
• Lista paraqet vetëm asetet e regjistruara në sistem, por asetet e reja mund të shtohen përmes butonit “+”

Klienti

• Tregon zotëruesin me të cilin është i lidhur ky aset.

2. Shërbimet e bëra për asetin e zgjedhur

Ky seksion shfaq tabelën ku regjistrohen të gjitha shërbimet e kryera.

Shërbim

• Përzgjidhni llojin e shërbimit nga lista (p.sh. ndërrim vaji, rregullim, goma, etj.).
• Me butonin “+” mund të shtoni një shërbim të ri.

Shënim

• Fushë opsionale ku mund të shtoni detaje specifike për atë rresht shërbimi (p.sh. “U përdor filtër X”, “U ndërrua pjesa Y”).

• Sasia - Vendoset sasia e shërbimit ose e artikullit të përdorur.
• Çmimi - Çmimi për njësi i llojit të shërbimit.
• Vlera - Llogaritet automatikisht: Sasia × Çmimi.

Veprime

• Butoni “+” përdoret për të shtuar detajet. Më pas mund të vazhdojmë të shtojmë dhe sherbime të tjera.

Pasi të keni përfunduar plotësimin e të gjitha detajeve të fletëshërbimit dhe të jeni siguruar që informacioni është i saktë, në fund të formularit gjenden dy butonat kryesorë të veprimit:

• Butoni “Ruaj” – Regjistron fletëshërbimin në sistem së bashku me të gjitha të dhënat. Pas ruajtjes, dokumenti arkivohet automatikisht dhe bëhet pjesë e historikut të shërbimeve për asetet e përzgjedhura.
• Butoni “Anullo” – Ndërpret procesin e regjistrimit dhe ju kthen në faqen e mëparshme pa ruajtur asnjë ndryshim, duke e lënë dokumentin të paplotësuar.